Print

გაზ. № 28 (821)

„სამართლიანობის აღდგენის კავშირი ხმა ერისა:

უფალია ჩვენი სიმართლე“-ს

ლასკარის

2012 წლი23 ივნისის

სხდომის ანგარიში

„სამართლიანობის აღდგენის კავშირი ხმა ერისა: უფალია ჩვენი სიმართლე“-ს ლასკარის 2012 წლის 23 ივნისის სხდომას ესწრებოდნენ - მიხეილ (გელა) სალუაშვილი, ბეჟან შერგელაშვილი, რევაზ კობიაშვილი, მევლუდ მამადაშვილი, თენგიზ ჯიქია, ლეილა მეფარიძე,  ნანული ერქვანიძე, ჯემალ ჯიქია და ნათელა მელქაძე.

სხდომაზე მოისმინეს: 

_ ლასკარის თავმჯდომარის მიხეილ (გელა) სალუაშვილის ინფორმაცია: პარტია "განახლებული საქართველოსთვის" მთავარი მრჩეველისათვის საერთაშორისო ურთიერთობის საკითხებში, ბატონ მინდია გულუასადმი გასაგზავნი  ბოლო მიმართვა-ღია წერილის  თაობაზე;

- ლასკარის წევრთა მიერ  ე.წ. წინასწარი გამოკითხვის მიმდინარეობის შესახებ.

ლასკარის სხდომაზე განიხილეს მიმდინარე საკითხებიც.

 „სამართლიანობის აღდგენის კავშირი ხმა ერისა:

უფალია ჩვენი სიმართლე“-ს

ლასკარის თავმჯდომარე

მიხეილ (გელა) სალუაშვილი

 

 

სამართლიანობი საღდგენის კავშირი ხმა ერისა:

უფალია ჩვენი სიმართლე“-

ლასკარის

2012 წლის 23 ივნისის

გადაწყვეტილება

სამართლიანობის აღდგენის კავშირი ხმა ერისა: უფალია ჩვენი სიმართლე“-ს ლასკარის 2012 . 23 ივნისის სხდომაზე:

 

მოისმინეს:

ლასკარის თავმჯდომარის მიხეილ (გელა) სალუაშვილის ინფორმაცია:

პარტია „განახლებული საქართველოსთვის" მთავარი მრჩეველისათვის საერთაშორისო ურთიერთობის საკითხებში, ბატონ მინდია გულუასადმი გასაგზავნი ბოლო  მიმართვა-ღია წერილის  თაობაზე;

 

დაადგინეს:

კავშირის წესდების 6.5 მუხლის თანახმად, დამტკიცდეს

პარტია "განახლებული საქართველოსთვის" მთავარი მრჩეველისათვის საერთაშორისო ურთიერთობის საკითხებში, ბატონ მინდია გულუასადმი გასაგზავნი ბოლო  მიმართვა-ღია წერილი.

„სამართლიანობის აღდგენის კავშირი ხმა ერისა:

უფალია ჩვენი სიმართლე“-ს

ლასკარის თავმჯდომარე

მიხეილ (გელა) სალუაშვილი

 

 

პარტია "განახლებული საქართველოსთვის
მთავარ მრჩეველს 
საერთაშორისო ურთიერთობის საკითხებში
ბატონ მინდია გულუას!

სამართლიანობის აღდგენის კავშირი ხმა ერისა: 
უფალია ჩვენი სიმართლე“-
ლასკარის
ბოლო ღია წერილი

 

ბატონო მინდია!

დღევანდელი ჩვენი ბოლო ღია-წერილი, თქვენდამი 2012 წლის 12 ივნისს გამოგზავნილი ღია წერილის ერთგვარი გაგრძელება-დასასრულია.

როგორც პირადი შეხვედრისას - თქვენ, და თქვენს დას, ქ-ნ ნანას მოგახსენეთ, ჩვენ დღეს - ბოლო ჟამში ვცხოვრობთ, და რომ

- მეორედ ღმერთად მომავალი უფალი იესუ ქრისტეს გაცხადებისწინა დროის დადგომის დამადასტურებელი ნიშნები, სწორედ - საქართველოში (ძირითადად) მიმდინარე მოვლენებით გვიდასტურდება;

 - წმიდა წერილებში დაფიქსირებულის მიხედვით წარიმართა - ზვიად გამსახურდიასა და ედ. შევარდნაძის ხელისუფლებაში მოსვლა-წასვლასთან დაკავშირებულ მოვლენათა ძირითადი ჯაჭვი;

- მათში, ასევე დაფიქსირებულია მ. სააკაშვილის ხელისუფლებაში მოსვლისა და მისი მმართველობის დასასრულის მაუწყებელი ნიშნები.

ამ კოდირებულ ინფორმაციებში, ვისაც ყური აქვს სასმენლად ისმინოს პრინციპით, დეტალურადაა მოცემული დროის ამ მონაკვეთში მომქმედი ძირითადი პოლიტიკური ძალების მთელი საქმიანობა.

ბიბლიური მინიშნებით - „რვიანის“, ჯერ - „ექვსიანად“, ხოლო მოგვიანებით - „ოთხიანად“ გარდასახვის შემდგომად, ანუ - 2011 წლის ოქტომბრის თვიდან მოყოლებული, „სათავე“ დაედო ბოლო ჟამის გასრულებისწინა დროის დადგომის შესაცნობი ნიშნების ასრულებას.

წმიდა წერილებში კოდირებულად გადმოცემულის თანახმად ე.წ. მოსამზადებელი მონაკვეთი - 2012 წლის ივლისის თვეში მთავრდება.

2011 წლის 3-4 დეკემბერს - მინსკში, ორივესთან, ხოლო იმავე თვის მიწურულს - თბილისში, თქვენი პ/გ-ის თავმჯდომარის ქ-ნ ნანასთან პირადი შეხვედრისას, მე - „...უფალია ჩვენი სიმართლე“-ს ლასკარის თავმჯდომარემ, და ლასკარის თავმჯდომარის მოადგილემ - ბეჟან შერგელაშვილმა, ნათლად დაგიფიქსირეთ, რომ - ბოლო ჟამისმიერი თვალთახედვით, წმიდა წერილისეული მინიშნებებით განსაზღვრული საქმიანობის თანამიმდევრულად არ დაცვის [გათვალისწინების] შემთხვევაში, თითოეულ ჩვენთაგანს, ჩვენი წილი პასუხისმგებლობის დონის შესაბამისად მოგვეგებოდა...

2011 წლის დეკემბრის მიწურულიდან მოყოლებული დღემდე, თქვენი პ/გ-ის სახელზე გაკეთებული არაერთი მიმართვის მიუხედავად, მიზეზთა გამო, თქვენი მხრიდან არანაირი გამოხმაურება (თუმცა ესეც ხომ ერთგვარი - „პასუხია“) არ ყოფილა.

2012 წლის იანვრიდან - 8 მაისამდელ დროში, თქვენი პ/გ-ის თავმჯდომარესა და თქვენს დას, ქ-ნ ნანა გულუას სახელზე, ეტაპობრივად მოგართვით წინადადებათა სრული პაკეტი, რომლებშიც გთხოვდით რათა თქვენი პოზიცია დაგეფიქსირებინათ:

- ზვიად გამსახურდიას მიერ ქვეყნისა და ეკლესიის წინაშე გაწეული ღვაწლისა გამო, მისი წმიდანად შერაცხვის თაობაზე დედა-ეკლესიის წინაშე საკითხის დაყენებასთან მიმართებაში;

- საქართველოში მართლმადიდებლობის სახელმწიფო რელიგიად გამოცხადების საკითხის ირგვლივ;

- 1991/1992 წლების მოვლენათა შეფასების თაობაზე;

- 1991/1992 წლებიდან მოყოლებული საქართველოში დარღვეული სამართლიანობისა და კანონიერების აღდგენის მექანიზმთან დაკავშირებით;

- საქართველოში სამხედრო ნეიტრალიტეტის გამოცხადების თემატიკის მიმართ;

- აფხაზეთის უმაღლესი საბჭოს რეორგანიზაციისა და მასში, ათასობით დევნილი მოსახლეობის ნების რეალურად ასახვის მექანიზმის შემუშავებაზე;

- ზემოთაღნიშნული საკითხების რეალობად ქცევისათვის, უახლოეს მომავალში, გასატარებელი საკონსტიტუციო ცვლილებების საკითხთა თაობაზე  და ა.შ. (იხ. თქვენს კანცელარიაში ჩაბარებული მასალა).

ყოველივე ზემოთქმულის ირგვლივ, თქვენი პ/გ-ის თავმჯდომარის წინაშე 2012 წლის 15 მაისით დათარიღებულ ღია წერილში, კონკრეტული სამოქმედო ნაბიჯების განხორციელების საკითხიც დავაყენეთ.

ჩვენი ლასკარის საზოგადოებასთან ურთიერთობის მდივანმა ბ-მა ჯემალ ჯიქიამ, თქვენი პ/გ-ის გამგეობის წევრებს და თავად ქ-ნ ნანას, პირად საუბრებში, არაერთხელ განუცხადა ჩვენგან დანაბარები, რომ - ბოლო ჟამის დროთა მდინარებაში, არასათანადო საქციელს, აუცილებლად მოჰყვებოდა შესაბამისი უკუგება.

მიღებული „დუმილის“ საპასუხოდ, გადავწყვიტეთ, კიდევ ერთი, ამჯერად ბოლო მიმართვა გაკვეკეთებინა. 2012 წლის 29 მაისით დათარიღებულ ქ-ნ ნანასადმი მიწერილ ღია წერილში ვკითხულობთ - „...მიზეზთა გამო, ჩვენს მიერ თქვენდამი სათანამშრომლოდ გადმოდგმულ ნაბიჯებს, სამწუხაროდ, სათანადო საპასუხო ქმედება არ მოჰყოლია. აქედან გამომდინარე, მიგვაჩნია რა, რომ თქვენ უკვე ინფორმირებულები ხართ, გვინდა დავაფიქსიროთ, რომ - „... უფალია ჩვენი სიმართლე“-ს მხრიდან თქვენთან პოლიტიკური თანამშრომლობის რესურსი, ამ ეტაპზე, პრაქტიკულად ამოწურულია. ამის შემდგომად - ჯერი თქვენზეა!...“ (იხ. გაზ. № 24 (817), გვ. 2).

2012 წლის მაისის ბოლოსა და ივნისის დასაწყისში თქვენი ოჯახის უზომო ტრაგედიით შეძრულებმა, გადავწყვიტეთ - კიდევ ერთხელ მოგვეხადა ჩვენი ადამიანური ვალი, და - 2012 წლის 12 ივნისს, ელ. ფოსტით, პირადად თქვენდამი მომართულ ღია წერილში, გთხოვეთ:

 - „...ბატონო მინდია!

მიზეზთა გამო, დღემდე ჩვენი განმეორებითი შეხვედრა - ვერ მოხერხდა; არადა ჩვენს წინ, ჩვენი ცხოვრების ერთ-ერთი უმნიშვნელოვანესი ეტაპი იწყება.

ვფიქრობთ, ჯერ კიდევ არ არის გვიან [ანუ - ვიდრე ჯერ კიდევ არის დრო] წარმოგიდგინოთ, ბიბლიაში დაცული - მიმდინარე ეტაპის ამსახველი, სავარაუდო სამოქმედო გეგმის ის დეტალები, რომლითაც უნდა ხელმძღვანელობდეს - მ. სააკაშვილის ხელისუფლებიდან ჩამოცილებაში მთავარი როლის შემსრულებელი ძალა.

ამ ურთულეს გზაზე წარმატების მიღწევა, მხოლოდ ღმერთის მიერ წინასწარ ნაუწყების - თანამიმდევრულად და განუხრელად შესრულების შემთხვევაშია შესაძლებელი. გვახსოვდეს - ჩვენ ყველანი, ჩვენი საქმეებით ვაგებთ პასუხს უზენაესის წინაშე.

იმედს ვიტოვებთ რომ, თქვენ - ნამდვილად ბრძანდებით ის პიროვნება, რომელმაც თავისი წვლილი უნდა შეიტანოს, ბიბლიაში წინასწარნაუწყების ასრულების საქმეში.

ამიტომ, ვცდილობთ რა მოვიხადოთ ჩვენი ადამიანური ვალი თქვენს წინაშე, მზად ვართ, თქვენთვის სასურველ ნებისმიერ დროსა და ადგილზე, პირადად გაგაცნოთ ბიბლიაში დაფიქსირებული სამოქმედო გეგმის დეტალები...“ (იხ. გაზ. № 26 (819), გვ. 2).

აღნიშნული წერილის გამოგზავნის 10 დღის თავზე, მაშინ როდესაც თქვენ „ფეისბუქის“ გვერდზე ჩართული ბრძანდებოდით, უშუალოდ გთხოვეთ სავარაუდო შეხვედრის თაობაზე თქვენი პოზიციის დაფიქსირება. სამწუხაროდ, ათიოდე წუთის შემდეგ, თქვენ ისე გახვედით „საუბრის რეჟიმიდან“, რომ პასუხი არ გაგიციათ.

ასეთი პასუხის „მიღების“ შემდეგ, 2012 წლის 23 ივნისს  ჩვენი ლასკარის სხდომაზე, მიღებულ იქნა გადაწყვეტილება, წინამდებარე წერილით, ბოლო მიმართვა გაგვეკეთებინა თქვენდამი.

ბატონო მინდია!

ჩვენ, თქვენთან კავშირზე გამოსვლა - წმიდა წერილისეულ ნიშნებზე დაყრდნობით გადავწყვიტეთ. დასაწყისში, თქვენი საქმიანობის გარკვეული პოზიტიური თანხვედრა წინასწარდაწერილთან, გვაფიქრებინებდა, რომ თქვენს პოლიტიკურ ძალას შესწევდა უნარი ბოლომდე გაყოლოდა იმ გზასავალს, რომელიც წმიდა წერილშია მოცემული, და ასახავს ცრუწინასწარმეტყველ - მ. სააკაშვილის მმართველობითი დროის დასასრულს პოლიტიკურ ასპარეზზე გამოსაჩენი (გამოსული) მთავარი მომქმედი ერთეულის მიერ გასაკეთებელ საქმეთა ერთობას.

მიზეზთა გამო, უკანასკნელ თვეებში თქვენს მიერ გადადგმულ პოლიტიკურ ნაბიჯებში გამოკვეთილ, წმიდა წერილებში დაფიქსირებულიდან თანდათანობითი ჩამოცილების ტენდენციის თავიდან აცილების მიზნით, განხორციელებულ ჩვენს მცდელობას - პირად შეხვედრაში აგვეხსნა თქვენი ამდაგვარი საქმიანობის კორექტირების აუცილებლობა, თქვენის მხრიდან არანაირი შესაბამისი რეაქცია არ მოჰყოლია.

ზემოთქმულიდან გამომდინარე, მიგვაჩნია, რომ - თქვენი ინფორმირებულობის მიუხედავად, თქვენს მიერ გადადგმული ნაბიჯები, ჩვენი, სავარაუდო ერთობლივი გზასავალიდან გადახვევის [ჩამოცილების] წინაპირობაა.

შესაბამისად, ვთვლით რომ ჩვენ, მთლიანად ამოვწურეთ, თქვენთან - ბიბლიაზე დაყრდნობით წარსარმართი პოლიტიკური თანამშრომლობის პრაქტიკული რესურსი.

დღეიდან მოყოლებული, ჩვენ - ვწყვეტთ თქვენთან ურთიერთობას, იმ - თეორიულად, ჯერ კიდევ, მოსალოდნელ მიჯნამდე, ვიდრე თავად არ დაინახავთ ამის პრაქტიკულად აღდგენის აუცილებლობას.

წინასწარვე გაცნობებთ {გაფრთხილებთ], რომ ბიბლიური ტექსტი [რომლის კოდირებული მინიშნებების გახსნისაგან ამჯერად თავს ვიკავებთ], საკმაოდ მკაცრ შეგონებას შეიცავს, რომელშიც, ქართული საეკლესიო ახალი წლიდან [სექტემბერი] ათვლით [„... მეათე თვის თორმეტში, იყო უფლის სიტყვა ჩემს მომართ ნათქვამი“ (ეზეკ. 29,1)] მოსახდენზე ასე გვეუწყება:

- „ადამის ძევ! [კოდია] მიმართე პირი ფარაონისკენ [კოდია], ეგვიპტის მეფისკენ [კოდია], და უწინასწარმეტყველე მას და მთელს ეგვიპტეს (2). ელაპარაკე და უთხარი, ასე ამბობს-თქო უფალი ღმერთი... (3)

მიხვდება ეგვიპტის ყველა მცხოვრები [კოდია], რომ უფალი ვარ, რადგან ლერწმის საყრდენი [კოდია] იყავი ისრაელის სახლისათვის [კოდია] (6). როცა ხელს გავლებდნენ, იმსხვრეოდი და ჩხვლეტდი მათ მკლავებს, როცა გეყრდნობოდნენ [კოდია], ტყდებოდი და წელში აშეშებდი მათ (7).

ამიტომ ასე ამბობს უფალი ღმერთი: [დანარჩენი თავად შეგიძლიათ იხილოთ]... (8).

აღარ იქნება ის იმედად ისრაელის სახლისათვის [კოდია], დანაშაულს ახსენებდა, როცა მათკენ მიიქცეოდნენ; მაშინ მიხვდებიან, რომ უფალი ღმერთი ვარ“ (ეზეკ. 29,2-3; 6-8; 16).

ბატონო მინდია!

მიუხედავად უახლოეს მომავალში განსავითარებელი მოვლენებისა, ვიხდით რა ჩვენს ადამიანურ ვალს, გვინდა წარმატება გისურვოთ - თქვენს მიერ პირად და ქვეყნის სასიკეთოდ გადასადგმელ ნაბიჯთა ქმედებაში.

ღმერთი ყოფილიყოს თქვენი შემწე ყოველ კეთილ საქმეში.

ქრისტესმიერი სიყვარულითა და პატივისცემით

„სამართლიანობის აღდგენის კავშირი ხმა ერისა: უფალია ჩვენი სიმართლეს“-ს ლასკარის თავმჯდომარე

მიხეილ (გელა) სალუაშვილი

2012 წლის 24 ივნისი

პეტრე-პავლობის მარხვა.    

24 ივნისი - მისტერიის დასაწყისი

ამ დღეს მომხდარის თაობაზე საუბრის დაწყებამდე მცირე წინაისტორიას შემოგთავაზებთ.

მაისის თვის დასაწყისზე „ლასკარში“ სტუმრად გვეწვივნენ მამა ელიზბარ დიაკონიძე და ბატონი გელა მომცემლიძე. ჩემსა და ლასკარის თავმჯდომარის მოადგილე ბეჟან შერგელაშვილთან საუბრისას მამა ელიზბარმა ზოგადად გაგვაცნო საზღვარგარეთ მოღვაწე საქართველოს მოქალაქეთა მიერ პ/გ „იბერიის“ დაფუძნებასთან დაკავშირებით მიღებული უაღრესად საინტერესო გადაწყვეტილება; და დასძინა, რომ - ამ ყველაფრის მოთავე და მთავარი სულისჩამდგმელი ყოფილა, 1990 წლის 28 ოქტომბრის მოწვევის საქართველოს რესპუბლიკის უზენაესი საბჭოს დეპუტატი, ამჟამად საფრანგეთის ქალაქ სტრასბურგში მოღვაწე, საქართველოს ეროვნულ-განმათავისუფლებელი მოძრაობა - ემიგრანტების თავმჯდომარე ვლადიმერ ხმელიძე.

მამა ელიზბარისავე რჩევით გადავწყვიტე ინტერნეტ სივრცეში, ე.წ. „ფეისბუქის“ მეშვეობით მომეძიებია ინფორმაცია, და, ღმერთის შეწევნით, მეორე დღეს, იმავე გვერდზე ბატონ ვლადიმერ ხმელიძესთან „დამეგობრება“ მოხერხდა.

ინტერნეტ გვერდზე საუბრებისას ბატონმა ვლადიმერმა თავისი განზრახულობის თაობაზე არაერთი საყურადღებო მოსაზრება გამაცნო. ჩემის მხრივ, შევთავაზე, სურვილის შემთხვევაში, გასცნობოდა - ბოლო ჟამის მიმდინარეობის შესახებ, „ფეისბუქის“ გვერდზე, ჩვენს მიერ განთავსებულ მასალებს.

მოგვიანებით ბატონმა ვლადიმერმა გამაცნო 18 ივნისით დათარიღებული მათი - მიმართვა საქართველოს რესპუბლიკის უზენაესი საბჭოსა და მთავრობისადმი, სადაც კერძოდ ვკითხულობთ - „ჩვენ, საქართველოს ფარგლებს გარეთ მცხოვრებმა საქართველოს მოქალაქეებმა, საქართველოში დღეს შექმნილი პოლიტიკური მდგომარეობის გამო, მივიღეთ გადაწყვეტილება და შევქმენით პოლიტიკური პარტია „იბერია“, რომლის მიზანია საქართველოს ლეგიტიმური ხელისუფლების დე-ფაქტოდ აღდგენის ხელშეწყობა...“.

და აი, 2012 წლის 24 ივნისს, 22.00 სთ-ზე ბატონი ვლადიმერ ხმელიძის ინიციატივით, სტრასბურგიდან, „ქართული ეროვნული ინტერნეტ მაუწყებლობის“ მეშვეობით მოეწყო - ვიდეო კონფერენცია, რომელშიც, მის გარდა, მონაწილეობას იღებდნენ -  საბერძნეთიდან, იტალიიდან და თბილისიდან ჩართული საინიციატივო ჯგუფის ცალკეული წარმომადგენლები.

საუბრის მთავარ თემად ორი საკითხი გამოიკვეთა:

1. ქვეყანაში დარღვეული სამართლიანობის აღდგენის მიზნით შექმნილი ახალი პოლიტიკური პარტიის დაფუძნება;

2. ინტერნეტ ტელევიზიის სტრუქტურული გამართვა-ამოქმედებისათვის საჭირო სამზადისი.

ერთსულოვანი შეთანხმებით მოქმედების აქტიური ეტაპის დაწყება ივლისის შუა რიცხვებისათვის დაიგეგმა.

ბოლო ჟამის თაობაზე ლასკარისეულ ცნობიერებას ზიარებული მკითხველისათვის, ყოველივე ზემოთქმული, რამოდენიმე საინტერესო მინიშნების გამო შემოგთავაზეთ. მოდით, საუბარი გვარ-სახელისეული კოდირებული არსის თაობაზე მსჯელობით განვაგრძოთ.

კოდირებული - „ვლადიმერ ძველი სლავური სახელია, ნიშნავს „ქვეყნის მფლობელს“. მასთან ფორმით ახლოს დგას აგრეთვე გოთური - ვოლდემარ, რომელიც ნიშნავს „განთქმულ (ცნობილ) ბატონს“, „მფლობელს“...“ (ზ. ჭუმბურიძე, „რა გქვია შენ?“, თბ. 1992 წ., გვ.113).

კოდი-გვარი: „ხმელიძე“, ანუ: „ხმელი-ძე“, დროით და არსობრივ მინიშნებებს შეიცავს. გვარის პირველი შემადგენელის რიცხობრივი ჯამი: „ხ[33] + მ[13] + ე[5] + ლ[12] + ი[10]“, ტოლია - 73-ის.

როგორც ჩვენი წინა წერილებიდან ვიცით, კოდირებული არსით - 73-ი, სიტყვა: „ა[1] + ღ[25] + თ[9] + ქ[24] + მ[13] + ა[1]“ -ზე მინიშნების გარდა, ბატონი ზვიად გამსახურდიას 73-ე წელთან კავშირით, მიმდინარე - 2012 წელს გამოკვეთავს.

ბიბლიური სწავლების თანახმად, მეორედ ღმერთად მომავალი უფალ იესუ ქრისტეს გაცხადება, გადანაჭერი, ანუ - გამხმარი ხიდან (პირველი მოსვლის მისტერია) ნედლი ყლორტის ამოსვლასთან იგივდება - „ამოვა ყლორტი იესეს ღეროდან და მისი ფესვის ამონაყარი გაიხარებს. დაივანებს მასზე (ხმელიდან ამოსულ ნედლ ყლორტზე -გ.ს.) უფლის სული, სული სიბრძნისა და გონიერებისა, სული რჩევისა და სიმხნევისა, სული შეგნებისა და უფლის შიშისა. ის უფლის შიშით ისულდგმულებს, დანახულით არ განსჯის და გაგონილით არ დაიწყებს მხილებას.

სიმართლით განსჯის ღარიბ-ღატაკთ, სისწორით განიკითხავს ქვეყნის ბედშავთ, დაჰკრავს მიწას თავის ბაგეთა კვერთხს და თავის პირისქარით ბოროტეულს მოაკვდინებს. სიმართლე იქნება სარტყლად მის წელზე და სიწრფელე სარტყლად მის ფერდებზე“ (ეს. 12,1-5).

„ხმელი“ ფესვიდან ამონაყარის გახარება, თუ როგორ კავშირდება ბიბლიისეულ ტექსტში დაცულ სიმართლის ქმნასთან, ამაზე უკვე - რუსთაველისეული ხედვით გადმოცემული მინიშნება გამოგვადგება გზამკვლევად, სადაც გვეუწყება - „ქმნა მართლისა სიმართლისა ხესა შეიქმს ხმელსა ნედლად“-ო. 

მაშასადამე, ბოლო ჟამისეული დროის ერთ-ერთ უმნიშვნელოვანეს ეტაპზე, 73-ის [„ხმელი“], ანუ „აღთქმის“ ასრულებისეულ - 2012 წელს, ვლადიმერ ხმელიძის ფენომენი [გამოჩენა], იგავურად გვაუწყებს იმ დროის მოახლოებაზე, რომელსაც „ქვეყნის მფლობელის“, „განთქმული (ცნობილი) ბატონის („ვლადიმერი“-ს არსი), მეორედ ღმერთად მომავალი უფალ იესუ ქრისტეს, ვითარცა - გადანაჭერი „ხმელი“ ფესვიდან ამოსული ყლორტის - გაცხადების თაობაზე აღთქმულის („ხმელი“ = „აღთქმა“ = 73) შესრულებას, წინ წაემძღვარება „სამართალსა“ და „სიმართლეზე“ დაფუძნებული საქმიანობა („ქმნა მართლისა“), რათა „ხმელი“ – „ნედლად“ შეიქმნას [რაც მოკვდავიდან უკვდავ სახე-სხეულად გარდაქმნაზე გვანიშნებს).

მეორეს მხრივ კი, სწორედ ეს - „სამართალსა“ და „სიმართლეზე“ დაფუძნებული საქმიანობის დაწყება, თავისთავადაა წინმსწრებ-გამომწვევი და განმაპირობებელი იმისა, რასაც - „ხმელის“ ნედლად ქცევა , ანუ მეორედ ღმერთად მომავალი უფალ იესუ ქრისტეს გაცხადების თაობაზე წინასწარ აღთქმულის  („ხმელი“ = „აღთქმა“ = 73) ასრულება ჰქვია.

ეზოთერული თვალთახედვით ეს ყოველივე, ბიბლიაში დაფიქსირებულ - „უფლის სახლის აშენების“ მისტერიულ ფორმასთანაა კავშირში.

ლასკარისეულ ცნობიერებასთან ზიარებული მკითხველისათვის, ადვილად გასაგებია, რომ ეს - „უფლის სახლის აშენება“, 2011 წელს დაწყებული მოვლენებიდან ათვლით - მეორე, ანუ 2012 წლის თებერვალ-მარტში „რუსთაველი 34“-ს არსობრივი მედლის მეორე მხარეზე მიგვანიშნებს.

ბიბლიაში, კოდირებულად მოცემულია თუ როდის დგება (რომელია) მკითხველისათვის წინა წერილებიდან ცნობილი - 2011 წელს „განახლებისეული“ ეტაპის დაწყებიდან ათვლით მე-2, ანუ 2012 წლის თებერვალ-მარტში, „უფლის სახლის“ არსთან დაკავშირებული პროცესების, ხსენებული - „მედლის მეორე მხარესთან“ გაიგივებული - ათვლის წერტილი.

აი, რას ვკითხულობთ ბიბლიაში - „გააღვიძა უფალმა იუდას გამგებლის, ზერუბაბელ შალათიელის ძის სული (კოდია), მღვდელმთავარ იესო იეჰოცოდაკის ძის სული (კოდია) და მთელი დანარჩენი ხალხის სული (კოდია). მივიდნენ და დაიწყეს მუშაობა ცაბაოთ უფლის, მათი ღმერთის სახლში (კოდია), მეექვსე [აქ -ივნისის] თვის ოცდამეოთხე დღეს, დარიოს [კოდია: „დ(რო) - არი(ს) - ო(უფალო) - ს“] მეფის მეორე [აქ - 2012] წელს“ (ანგ. 1,14-15).

დიახ, აქ ცალსახად გამოყოფილია (მითითებულია) უკვე ხსენებული 2011 წლიდან ათვლით აღებული მეორე [ანუ - 2012] წლის მე-6 თვის „ოცდამეოთხე დღე“.

ბოლო ჟამის დროთა მდინარებაში, ამას - 2012 წლის 24 ივნისს, ზემოთხსენებული ინტერნეტ ტელევიზიის მეშვეობით, ე.წ. ვიდეო კონფერენციის გამართვაში განივთებული, ჩვენს თვალწინ მომხდარის სახელდება აქვს.

მაშ, ყველას, ვისაც ყური სასმენლად აქვს, გილოცავთ - 2012 წლის 24 ივნისს მომხდარით გვეუწყა, რომ - მისტერიული ფორმით სათავე დაედო „ქმნა მართლისა სიმართლისა“ -თი მინიშნებულ იმ საქმიანობას, რომელიც საბოლოოდ „ხესა შეიქმს ხმელსა ნედლად“-ის არსთან, ანუ  იმ მიჯნამდე მიგვიყვანს, რასაც მოკვდავიდან უკვდავ სახე-სხეულად გარდაქმნა, ანუ მეორედ ღმერთად მომავალი უფალ იესუ ქრისტეს გაცხადება ჰქვია.

ღმერთო, მოგვასწარი ამ დიადი წამის დადგომას, დაილოცოს შენი ძალა და სამართალი, სახელი და დიდება, აწ და მარადის და უკუნითი უკუნისამდე. ამენ!

 

 

„სამართლიანობის აღდგენის კავშირი ხმა ერისა:

უფალია ჩვენი სიმართლეს“-ს

ლასკარის თავმჯდომარე

მიხეილ (გელა) სალუაშვილი