Print

ზურაბ(რეზო) კობიაშვილი - ლასკარის ყოფილი წევრი

rezoავტობიოგრაფია

მე _ ზურაბ (რეზო) შიოს ძე კობიაშვილი, დავიბადე 1947 წ. 10 ივლისს, ყაზბეგის რ-ის სოფ. ყანობში;

სოფ. ყანობის დაწყებითი სკოლის დამთავრების შემდეგ სწავლა და სპორტული ვარჯიში განვაგრძე ქ. თბილისის 35-ე სპორტულ სკოლაში.

სწავლის პერიოდშივე გავხდი წამყვანი ველორმბოლელი.

წლების მნძილზე ვიყავი საქართველოს ნაკრების წევრი. ვარ არაერთი სპორ-ტული შეჯიბრის გამარჯვებული. მონიჭებული მაქვს სპორტის ოსტატის წოდება.

1965 წელს ჩავირიცხე საქართველოს პოლიტექ-ნიკური ინსტიტუტის სამშენებლო ფაკულტეტზე.

1969-1970 წლებში მოვიხადე სამხედრო სავალდებულო სამსახური.

1972 წელს სპი-ს სამშენებლო ფაკულტეტის დამთავრების შემდეგ მუშაობა დავიწყე ინჟინერ-მშენებლის სპეციალობით.

სამშენებლო სფეროში 30 წლიანი მუშაობის მანძილზე ვიყავი სხვადასხვა თანამდებობებზე.

2009 წლიდან ვარ საქართველოს სულიერი მისიის შემსწავლელი “ლაზარეს ინსტიტუტის” წევრი.

2011 წლის 23 დეკემბრიდან ვარ _ “სამართლიანობის აღდგენის კავშირი ხმა ერისა: უფალია ჩვენი სიმართლე”-ს ლასკარის თავმჯდომარის მოადგილე, საერთაშორისო მდივანი.

მყავს მეუღლე, სამი ვაჟიშვილი და ოთხი შვილიშვილი.


 

მადლობა

2014 წ. 17 იანვარს გაკეთებული განცხადების საფუძველზე, ბატონმა რეზო კობიაშვილმა დატოვა ჩვენი პარტიის რიგები.

პოლიტიკური ორგანიზაცია - „სამართლიანობის აღდგენის კავშირი ხმა ერისა: უფალია ჩვენი სიმართლე“-ს ლასკარი მადლობას მოახსენებს ბატონ რეზო [ზურაბ] კობიაშვილს, წლების მანძილზე, ერთად გატარებული საქმიანობისათვის.

ბატონ რეზო [ზურაბ] კობიაშვილს ვუსურვებთ წარმატებით ევლოს იმ ურთულეს გზაზე, რასაც - ღმერთის, ერისა და ქვეყნისათვის უანგარო სამსახური ჰქვია.

 

ლასკარის სახელით

მიხეილ [გელა]

სალუაშვილი


მოსაგონარი

ხანგრძლივი ავადმყოფობის შემდეგ, რეზო [ზურაბ] კობიაშვილის სხეულით მავალმა უკვდავმა სულმა ზეციურ სამყოფელში გადაინაცვლა.

მსუბუქი ყოფილიყოს 2018 წლის 10 მაისს მის სხეულზე დაყრილი ქართული მიწა, რომლის სიყვარულსაც შეალია მან თავისი ნაყოფიერი ცხოვრების 71 წელიწადი.

„...უფალია ჩვენი სიმართლეს“ 

ლასკარი