Print

ყველას თავისი მწყემსის ხმა ესმის

სულის გადარჩენაზე მაფიქრალთა გასაგონად,

ანუ

მათთვის - ვინაც „წვეთში“ ყოფნის წილხვედრია

 

2013 წლის 18 მაისს, პოლიტიკური გაერთიანების - „სამართლიანობის აღდგენის კავშირი ხმა ერისა: უფალია ჩვენი სიმართლე“-ს მიერ მიღებული გადაწყვეტილებით: 2013 წლის ოქტომბრის საპრეზიდენტო არჩევნებში საქართველოს პრეზიდენტობის კანდიდატად დასახელებულია, პარტიის „ლასკარი“-ს თავმჯდომარე - მიხეილ [გელა] სალუაშვილი;

 

ერთხმად იქნა დამტკიცებული - ორი პირობითი ნაწილისაგან შემდგარი საპრეზიდენტო პროგრამა: „უფლის სახელით გაბრწყინებული საქართველო“.

 

გვინდა რა მოვიხადოთ ჩვენი ადამიანური ვალი „ფეისბუქის“ მეგობართა [და არა მარტო მათდა] წინაშე, საჯაროდ გვინდა განვაცხადოთ:

 

ვითვალისწინებთ რა, რომ - ბიბლიაში, პრინციპით - ვისაც ყური სასმენლად აქვს ისმინოს - დეტალურადაა მოცემული ბოლო ჟამის თაობაზე არსებული კოდირებული ინფორმაციები;

ვითვალისწინებთ რა, რომ - ბოლო ჟამი - უფალ იესუ ქრისტეს მეორედ გაცხადებისწინა დროის მონაკვეთია; და

ვითვალისწინებთ რა, რომ - საქართველო არის: ბოლო ჟამის დადგომის დამადასტურებელი ნიშნების აცხადების ძირითადი ადგილი...

 

მოგმართავთ მათ - ვისაც ყური სასმენლად აქვს:

გაისიგრძეგანეთ ზემოთქმული და, თუ თქვენმა შინაგანმა „მე“-მ გიკარნახოთ, თავადაც ჩაერთეთ, მიღებული გადაწყვეტილების ფონზე მიმდინარე - ბიბლიისეული უდიდესი მისტერიული პროცესის მდინარებაში.

 

ბიბლიიდან გვეუწყება:

- „... ეს სიტყვები საიდუმლოდ შენახული და დაბეჭდილიაო ბოლო ჟამამდე. მრავალი განიწმიდება, გასპეტაკდება და გამოიბრძმედება, ხოლო ბოროტეულნი ბოროტად მოიქცევიან; ვერცერთი ბოროტეული ვერ მიხვდება, ხოლო გონიერნი მიხვდებიან“ [და. 12,9-10];

 

და კიდევ, გვახსოვდეს:

- „ადრე მითქვამს, ახლაც ვამბობ, და კვლავ ვიტყვი: დასაღუპად განწირულნი გადარჩენილებზე ბევრნი არიან, როგორც ტალღაა მეტი წვეთზე“ [3 ეზრა 9,15-16].

 

ჩვენ, მხოლოდ მათი მხარდაჭერის [სულის გადარჩენაზე მაფიქრალთა] იმედი გვაქვს, ვინაც - ღვთისაგან ბოძებული გონიერებისა გამო „წვეთში“ ყოფნის წილხვედრილია...

ხოლო, ის თუ ვინ-ვინაა, ამაზე ყველამ თვითონ იფიქროს...

2013 წლის 24 ივნისი